مکتب نے اِس رسمِ علمِ ہندسہ کو ایک اچھوتے انداز سے خراجِ تحسین پیش کیا ہے ۔ مکتب کی عمارت میں مشبک کاری پئیانو (۱۸۹۰ ء میں اطالوی ریاضی دان جوزیہ پئیانو نے دریافت کی) سے متاثر ہو کر کی گئی ہے ۔اس زمانے کے ریاضی دان بھی قدیم یونانیوں کی طرح لامحدودیت کے مسئلے سے نمٹنے کی کو شش کر رہے تھے ۔ پئیا نو اس مسئلے کو حل کرنے کی جستجو کر رہا تھا کہ کیا کوئی طفاعل جو پوشہ وپیوستہ ہو وقفہء واحد ( صفر اورایک کے درمیان عدد ِحقیقی سے) سے مربع ء واحد ( سائیڈ ایک کا مربع) تک ہو سکتا ہے؟ پئیا نو نے اس کا جواب اثبات میں دیا۔ یہ خم تکراری طور پر تعمیر کیا گیا ہے۔ مکتب کی مشبک کاری خم پئیا نو کی تیسری تکرار کی عکاسی کر رہی ہے۔

کاشی کاری کو اسلامی فنِ تعمیر میں اپنی خوبصورتی ،ہم آہنگی اور پیچیدگی کی وجہ سے نمایاں مقام حاصل ہے ۔ یہ سطحی نقوش گُنبدوں ، تختیوں ،دیواروں ، بخُور جلانے والے برتنوں ، ہاتھ سے لکھی دستاویزات اور ستونوں پر پائے جاتے ہیں۔ اس فن کو خراجِ تحسین پیش کرنے کے لئے مکتب کے داخلی حصے کا فرش کاشی کاری پنروز کی تصویر کشی کرتا ہے۔ اس کو آکسفورڈ کے مایہ ناز ریاضی دان راجر پینروز نے ۱۹۷۰ ء کی دہائی میں دریافت کیا۔ اس کی دلکش حقیقت یہ ہے کہ ہر محدود منتقلی سے نقش ایک منفرد انداز سے تغیر پزیر ہوتا ہے۔