مکتب کے سماجی علوم کے نصاب کا مقصد طلبا کو ہماری دنیا کے ذمہ دار اور سرگرم ِ عمل شہری بنانا ہے۔ انھیں تاریخ اور سماجی علوم سے اخذ کردہ موضوعات اور سوالات سے متعارف کرایا جاتا ہے اور بحث و مباحثہ ، اور طویل مدتی، اجتماعی اور انفرادی منصوبوں کے ذریعے تحقیق سے آشنا کرایا جاتا ہے۔ طلبا ءمحتاط منصوبہ بندی سے بنائی گئی سرگرمیوں کے ذریعے مقامی اور عالمی جغرافیہ اور ثقافتوں کو دریافت کرتے ہیں۔ لاہور تاریخی ، تعمیری اور مایہ ناز ثقافت کا گڑھ ہے ۔ شہر اور اس کے مضافات کے تاریخی یادگاروں کے دورے طلباء کی دنیا کے مطالعے کا ایک لازمی جزو ہیں۔

اگرچہ فن ِ مصوری جماعت کی روزمرہ زندگی کے تمام پہلوؤں میں شامل ہے ، طلباء آرٹ کو اظہار اور ابلاغ کے ایک ذریعہ کے طور پر استعمال کرتے ہوئے ، متعدد اسالیب ، میڈیا اور طریق کار کے ساتھ براہ راست تجربہ کرتےہیں۔ وہ مختلف ثقافتوں میں آرٹ کی تاریخ اور اس کی اہمیت کی فہم و فراست حاصل کرنے کے لئے انفرادی فنکاروں اور فنکارانہ نقل و حرکت کا مطالعہ کرتے ہیں۔ وہ فن کے کاموں کے باضابطہ پہلوؤں کو پہچاننا اور پرکھنا سیکھتے ہیں ۔ وہ مختلف ادوار میں فنی اقدار کے تغیر پر بھی غورو فکر کرتے ہیں۔ وہ مقامی میوزیم ، گیلریوں اور فنکاروں کے اسٹوڈیوز جاتے ہیں اور اپنے کام کی سالانہ نمائش کرتے ہیں۔ ہم یقین رکھتے ہیں کہ صرف وہی لوگ جو خطاطی ، مجسمہ سازی ، مصوری ، ڈیزائن کے شوقین ہیں ، وہی بچوں میں آرٹ کا ذوق و شوق پیدا کر سکتے ہیں۔ مقامی آرٹ اسکولوں جیسے کہ این سی اے اور بی این یو کے طلبا ء کی شرکت سے یہ آرٹ پروگرام فروغ پاتا ہے۔

مکتب کے طلباء کو موسیقی کے تجربے سے لطف اندوز ہونے کے وافر مواقع ملتے ہیں ۔ مکتب میں موسیقی کے پروگرام کا مقصد معاصر اور کلاسیکی موسیقی سے متعارف کروانا ہے۔ مکتب میں بچوں کو اُردو اور انگریزی زبانوں میں اپنی عمر کی منا سبت کے مطابق نظموں سے متعارف کرایا جاتا ہے۔ ہر سیشن میں ایک تربیت یافتہ موسیقار پیانو یا ہارمونیم بجاتے ہیں۔ جب کہ بچے انفرادی طور پر اور اجتماعی طور پر ان کی نگرانی میں گاتے ہیں۔ طلباء کو موسیقی سے جذبے اور اظہار کو منسلک کرنے کی ترغیب بھی دی جاتی ہے۔ وہ ایک گروہ میں بجنے والے مختلف آلات ِ موسیقی کی شناخت کرنا سیکھتے ہیں اور پُر اعتماد انداز میں سامعین کے سامنے اپنی آواز اور ساز بجانے کی مہارت کو پیش کرتے ہیں۔ 

مکتب میں طلباء متعدد دلچسپ اور مزیدار طریقوں سے اعداد کو استعمال کرنا سیکھتے ہیں ۔ یہ مہارت حقیقی دنیا کو سمجھنے کے لئے بہت اہم ہے۔ ریاضی کے پروگرام کا مقصد طلباء کی مختلف مہارتوں کی نشوونما ہے ۔ان میں تعداد کی سمجھ ، ریاضی ، عملیات اور تخمینہ ، تناسب ، پیمائش اور مقامی تعلقات ، احتمال اور اعداد و شمار کا تجزیہ ، نقوش، درجہ بندی ، منطقی استدلال اور الجبرا شامل ہیں۔

ہم سنگاپور کے مشہور ِ زمانہ ریاضی کے طریقے کو استعمال کرتے ہیں ۔اس نصاب میں آپ واضح مثالوں سے آہستہ آہستہ تجریدی تصوارات کی طرف گامزن ہوتے ہیں۔ جونئیر اسکول میں ریاضی کی یہ تعلیم ،مڈل اسکول ریاضی کے مفصل پروگرام کی ایک مضبوط بنیاد رکھتی ہے۔ ہم اپنے پروگرام میں خان اکیڈمی کے ویڈیوز سے بھی معاونت حاصل کرتے ہیں۔ ان ویڈیوز کو بچے گھر پر اپنی ریاضی کی مہارت کو بہتر بنانے کے لئے بھی استعمال کر سکتے ہیں۔

سائنس پروگرام کا مقصد یہ ہے کہ تمام طلباء سائنسی تحقیقات میں حصہ لیں اور سائنسی خواندگی حاصل کریں۔ تجربے کے ذریعہ طلباء سائنسی طریقہ کار کا عملی استعمال سیکھتے ہیں۔ وہ سائنس کی تاریخ کے ساتھ ساتھ کچھ بڑے نظریات اور تصورات کا مطالعہ بھی کرتے ہیں۔ وہ دریافت کرتے ہیں کہ کیسے سائنسی تحقیق محنت اور حادثات کی وجہ سے روزانہ زندگی سے ارتباط رکھتی ہے۔ وہ یہ بھی سیکھتے ہیں کہ کس طرح "واضح" حقائق بالکل واضح نہیں ہیں۔ مثال کے طور پر ، طلباء کو تجربات کرکے یہ ثابت کرنا پڑتا ہے کہ زمین چپٹی نہیں ہے ۔ 

مکتب کے سائنسی نصاب کا ایک حصہ انسانی صحت کے لیے وقف ہے۔اس کا مقصد بچوںکو با خبر کرنا ہےتاکہ وہ اپنی صحت کے لئے بہتر انتخاب کر سکیں۔ طلبہ غذائیت اور حفظان صحت کے بارے میں سیکھتے ہیں تاکہ وہ اپنے جسموں اور دماغوں کی دیکھ بھال کر سکیں۔ اس کے علاوہ وہ ہماری دُنیا کے متعلق سیکھتے ہیں اور ری سائیکلنگ / بازیافتی کے بارے میں جانتے ہیں۔ اسکول اپنی وسیع کیمپس کو بروئے کار لاتے ہوئے اپنے باغ میں ، بچوں کو پھل اور سبزیاں اگُانے کی ترغیب دیتا ہے۔ بچے اسکول کے باغ میں کام کرتے ہوئے موسموں ، آب و ہوا کی تبدیلی ، نبا تا تیات اور کیڑے مار دواؤں کے استعمال کے نقصانات کے بارے میں عملی طور پر سیکھتے ہیں۔

کمپیوٹر جدید زندگی کا لازمی جزو ہیں اور ان دنوں بچے ان طاقتور مشینوں کو روز مرہ زندگی میں با آسانی استعمال کرتے ہیں۔ مکتب میں بچوں کو صرف ٹیکنالوجی صارف بننے کے بجائے علم ِ تخلیق میں بھر پور حصہ لینے کی ترغیب دی جاتی ہے۔ بچوں کو ایسے سافٹ ویئر کے ساتھ متعارف کرایا جاتا ہے جو خاص طور پر انہیں پروگرام کرنے کا طریقہ سکھاتا ہے۔ مناسب پروگرامنگ کے جدید ماحول کا استعمال کرتے ہوئے ، طلباء کو اپنی کمپیوٹر گیمز تخلیق کرنے اور اینیمیشن تیار کرنے کی ترغیب دی جاتی ہے۔ جونیئر اسکول کا کمپیوٹنگ نصاب کا اختتام ایک سال کی اسکریچ پروگرامنگ کے ساتھ ہوتا ہے۔ اسکریچ ، بلاکس پر مبنی پروگرامنگ کی زبان ہے جو بچوں کے لئے ایم آئی ٹی میڈیا لیب میں تیار کی گئی ہے۔ اس زبان میں بچے پیچیدہ گیمز اور اینیمیشن بہ آسانی ڈیزائن کرتے ہیں۔ 

مکتب کے درجہ چہارم کے ماہر پروگرامر باقاعدہ طور پر حقیقی زندگی کے ڈیزائن اور انجینئرنگ کے مسائل سے آشنا ہوتے ہیں۔ جونیئر اسکول روبوٹکس پروگرام لیگو وی ڈو کٹس استعمال کرتا ہے۔ ان کٹس میں ۱۵۰ عناصر شامل ہیں جن میں ایک موٹر ، ٹلٹ سینسر ، موشن سینسر ، کمپیوٹر ، گیئراور استعمال میں آسان سافٹ ویئر شامل ہیں۔ یوں بچے خود تجربہ کرکے سیکھتے ہیں کہ حقیقی زندگی کی پریشانیوں کو حل کرنا چیلنجنگ ، دلچسپ اور ذاتی طور پر پُر معنی ہے۔جماعت سوم میں سیکھی ہوئی پروگرامنگ بچوں کو اپنے روبوٹ کو کنٹرول کرنے کیلئے معاون ثابت ہوتی ہے۔ یہ ڈیزائن کا تجربہ مڈل اسکول کے روبوٹکس ، پروگرامنگ اور انٹرنیٹ آف تھنگز کے پروگرام میں حصہ لینے کی بنیاد رکھتا ہے۔

حکومت پاکستان کی ضروریات کے مطابق۔